26-dars: Intervyu tayyorgarlik

Kirish

Intervyuga qanday tayyorlanish kerak?

Intervyu — imtihon emas, suhbat. Recruiter siz haqingizda bilib olmoqchi. Bilimingizni aniq va ishonchli ifoda eta olsangiz — yutasiz.

📚

1-hafta oldin

Asosiy tushunchalarni takrorla. Mock Interview o'tka.

💼

2-kun oldin

GitHub, LinkedIn, CV'ni tekshir. Portfolio ishlayaptimi?

🗣️

1-kun oldin

Javoblarni ovoz chiqarib mashq qil. Vaqtni o'lcha.

🌅

Kuni

CV + portfolio havola, kompaniyani o'rgan, tinch bo'l.

Asosiy qoida

Bilmasangiz — ayt! "Bilmayman, lekin o'rgangan bo'lardim" yaxshi javob. Noto'g'ri javob berish — yomon. Recruiter dushman emas, u siz uchun eng to'g'ri nomzodmi deb bilmoqchi.

Intervyuda nimalar so'raladi?

QA asoslari — bug, test case, SDLC, testing turlari
Manual testing — tekshiruv turlari, prioritetlash
API testing — HTTP methods, status codes, Postman
Automation — Selenium/Playwright asoslari, POM
Asboblar — Jira, TestRail, Git
Amaliy vazifalar — test case yoz, bug hujjatla, skript tushuntir

🎤 Mock Interview

20 ta real intervyu savoli

Javobingizni yozing → "Pro javobni ko'rish" → O'zingiznikini solishtiring. Har savol — real intervyuda so'raladigan savol.

1 / 20

Savol 1 / 20

✅ Pro javob

🏆

Mock interview tugadi!

20 ta savol ko'rib chiqdingiz. Noaniq javoblaringizni qayta o'qing va amalda mashq qiling.

2-qism

Xato va to'g'ri javoblar

Amalda ko'p nomzod bir xil xato qiladi. Har mavzuni ko'ring — farqni his eting.

Savol: "Bug nima? Misollar bilan tushuntiring."

❌ Xato javob

"Bug — dasturlarda bo'ladigan xato."

Muammo: juda qisqa, misol yo'q, professional emas.

✅ Pro javob

"Bug — dasturning kutilgan va haqiqiy xulq-atvori o'rtasidagi farq. Masalan: TestShop'da login qilganda to'g'ri parol bilan ham 'Noto'g'ri parol' xatosi chiqsa — bu bug. Expected: muvaffaqiyatli kirish. Actual: xato xabari."

Savol: "Test case yozish qanday amalga oshiriladi?"

❌ Xato javob

"Test case — test qilinayotgan narsa. Men yozaman."

Muammo: Test case tarkibi yo'q, qanday yozilishini bilmaydigandek.

✅ Pro javob

"Test case — qanday sinovni o'tkazishni aniq tasvirlovchi hujjat. Asosiy qismlari: ID, Title, Precondition, Steps, Expected Result, Actual Result, Status. Masalan, Login funksiyasi uchun: to'g'ri email+parol → Dashboard ochilishi kerak."

Savol: "HTTP 401 va 403 farqi nima?"

❌ Xato javob

"401 va 403 ikkalasi ham xato. Aniq bilmayman."

Muammo: API testing bilmaydi taassurot qoldiradi.

✅ Pro javob

"401 Unauthorized — foydalanuvchi autentifikatsiya qilinmagan, ya'ni login qilmagan yoki token yo'q. 403 Forbidden — autentifikatsiya bor, lekin ruxsat yo'q. Masalan: oddiy foydalanuvchi admin panelga kirmoqchi — 403."

Savol: "Automation testing tajribangiz bormi?"

❌ Xato javob

"Men hali automation bilmayman, o'rganmoqchiman."

Muammo: Portfolio bor holda bu javob — zaiflik.

✅ Pro javob

"Ha! Python + Playwright + Pytest bilan TestShop loyihasida 15 ta automation testi yozdim. POM pattern ishlatdim — LoginPage, ProductPage, CartPage. Testlar 100% PASSED. GitHub'da ko'rishingiz mumkin."

Savol: "Real loyihada ishlaganmisiz?"

❌ Xato javob

"Yo'q, tajribam yo'q. Faqat kurs o'tdim."

Muammo: O'z qiymatini past ko'rsatish — recruiter ham shundoq qabul qiladi.

✅ Pro javob

"Kurs loyihasida qo'l kirdim — TestShop e-commerce saytini to'liq test qildim. 50+ test case, 20+ bug report, automation framework, API va performance testlari. Real loyihaga o'xshash to'liq tsikl — GitHub'da bor."

🎬 Haqiqiy stsenariy

Click'da texnik intervyu

10:00. Click HQ. Texnik intervyu — QA Lead Sardor aka bilan. U sizga hujjat uzatdi: "Mana TestShop login sahifasining mock-up'i. 5 ta test case yozing. 5 daqiqa."

Siz hozir nima yozasiz?

Eng professional yondashuv qaysi?

⚡ Tezkor tekshiruv

Intervyuda so'raladigan savolni bilmadingiz. Nima qilasiz?

3-qism

Tez-tez so'raladigan savollar

Intervyuda albatta so'raladigan 15 ta savol va qisqa pro javoblar. Bosib ko'ring.

Bug va Error farqi nima? +

Bug — dastur kutilganidan boshqa ishlayotganda (test topadi). Error — ishga tushirishni to'sqinlovchi xato (sintaksis, runtime). Bug — funksional muammo, Error — texnik muammo.

Smoke va Sanity testing farqi? +

Smoke — yangi build'ning asosiy funksiyalari ishlayaptimi? (Keng, sayoz). Sanity — bug fix'dan keyin faqat o'sha modul to'g'rilandimikin? (Tor, chuqur).

Severity va Priority farqi? +

Severity — bug dasturga qanchalik zarar yetkazadi (texnik ta'sir). Priority — tuzatish qanchalik tez kerak (biznes muhimligi). Misol: Sarlavhadagi imlo xatosi — Severity Low, lekin Priority High (bosh sahifada ko'rinadi).

Black box va White box testing? +

Black box — ichki kodni bilmasdan test qilish. Foydalanuvchi ko'zi bilan. QA asosan shu. White box — kod ko'rinadi, ichki mantiqni test qilish. Dasturchi qiladi.

Regression testing nima? +

Yangi o'zgartirish eski funksiyalarni buzmadimi? — tekshirish. Har yangi release'dan oldin eski funksiyalar qayta test qilinadi. Automation uchun ideal.

Agile va Scrum nima? +

Agile — iterativ rivojlantirish metodologiyasi. Qisqa tsikllar, moslashuvchanlik. Scrum — Agile'ning bir framework'i. Sprint (1-2 hafta), Daily standup, Sprint review. QA Sprint davomida test qiladi.

SDLC va STLC nima? +

SDLC — Software Development Life Cycle: Talablar → Dizayn → Rivojlantirish → Test → Deploy → Qo'llab-quvvatlash. STLC — Software Testing Life Cycle: Talablarni tahlil → Test rejasi → Test case → Test muhit → Test bajarish → Test yopish.

POM nima va nima uchun kerak? +

Page Object Model — har sahifa uchun alohida class. Locatorlar va metodlar shu classda. Afzalligi: locator o'zgansa — 1 joyda o'zgartirish yetarli, test kodi toza va tushunarli.

GET va POST farqi? +

GET — ma'lumot olish, URL'da ko'rinadi, xavfsiz. POST — ma'lumot yaratish, body'da yuboriladi, URL'da ko'rinmaydi. GET — o'qish, POST — yozish.

p95 nimani anglatadi? +

p95 = 1.8s degani: 100 ta so'rovdan 95 tasi 1.8 sekunddan tez bajarildi. Faqat 5 tasi sekinroq. O'rtacha aldashi mumkin — p95/p99 haqiqiy holat.

Test Pyramid nima? +

Automation strategiyasi: Unit 70% (tez, ko'p), API 20% (o'rta), UI/E2E 10% (sekin, kam). Ko'p tez testlar + oz sekin testlar = ishonchli va samarali.

Boundary Value Analysis nima? +

Chegaraviy qiymatlarni test qilish. Misol: yosh 18-65 oralig'ida qabul qilinadi → 17, 18, 65, 66 test qilinadi. Chegarada ko'proq bug bo'ladi.

Exploratory testing nima? +

Oldindan yozilgan test case'siz, erkin tekshirish. QA o'zi fikrlaydi, sinaydi, yangi yo'llar izlaydi. Yangi funksiya yoki vaqt kam bo'lganda yaxshi. Tajriba va intuitsiya muhim.

Defect Life Cycle nima? +

Bug'ning hayot tsikli: New → Assigned → Open → Fixed → Retest → Closed (yoki Reopened). QA New qiladi, dasturchi Fix qiladi, QA Retest qiladi va Close yoki Reopen qiladi.

Equivalent Partitioning nima? +

Kiritish qiymatlarini guruhlarga bo'lish — har guruhdan 1 ta test yetarli. Yosh field: 0-17 (yaroqsiz), 18-65 (yaroqli), 66+ (yaroqsiz). Har guruhdan 1 ta test qilish — hammani tekshirgandek.

4-qism

Intervyu kuniga tayyorgarlik

Kuni uchun cheklista

Kompaniyani o'rganing — nima qilishadi, qanday mahsulot, texnologiya stack
CV yangilangan — GitHub link ishlayapti, LinkedIn to'liq
Portfolio ishlayapti — GitHub repoilar ochiq, README bor
Savollar tayyorlang — "Jamoa qancha? Test strategyasi qanday? Onboarding?"
Vaqt — 15 daqiqa oldin online bo'ling (remote) yoki yeting (office)
Qurilma — internet yaxshi, mikrofon ishlayapti, fon toza

Siz ham savollar berishingiz kerak!

Intervyu oxirida "Savollaringiz bormi?" deyishadi. Bu — muhim. Javob: "Ha, bor!"

"QA jamoasida necha kishi? Manual va Auto qanday taqsimlangan?"
"Onboarding qanday o'tadi? Birinchi oyda nima kutiladi?"
"Ishlatadigan asboblar: Jira, TestRail — boshqa nima?"
"Loyiha qanday — Agile? Sprint qancha davom etadi?"
"QA Engineer uchun o'sish yo'li qanday — Middle, Senior?"

Savol berish — kuchlilik belgisi

Savol bermaslik — "Bu ish menga muhim emas" deyish. 2-3 ta savol — eng optimal. Kompaniyaga qiziqasiz va professional ekanligingizni ko'rsatadi.

Intervyu tayyorgarlik

Intervyuga qanday tayyorlanish kerak?

1-hafta oldin

2-kun oldin

1-kun oldin

Kuni

Intervyuda nimalar so'raladi?

20 ta real intervyu savoli

Xato va to'g'ri javoblar

Tez-tez so'raladigan savollar

Intervyu kuniga tayyorgarlik

Siz ham savollar berishingiz kerak!

3 ta asosiy fikr